MARIA e GESù
‘nta nu chianu i rosi e di gigghia
c’è Sant’Anna cu Maria so figghia
c’è Maria cu Gesuzzu ‘mbrazza
si lu strinci e si lu abbrazza
Maria Virgini amurusa
‘mparadisu di Diu spusa
a Gesuzzu accussi dicia
“ascutatimi figghiu mia”
“chi vuliti cara Matri
chiaramenti Vui parrati”
“ia vulissi figghiu biunnu
la sarvizza di tuttu u munnu!”
“Matri bedda e Matri mia
o chi grazia ca mi spia!
sunnu tinti e piccatura
sunnu tutti cora dura!”
“figghiu miu propria pi su cori!
lu curuzzu tua d’amuri!
chista grazia l’ata a fari
si ma figghia l’ati a sarvari!
si su tutti piccatura
‘nta lu cori mittitici sciura!
lu to cori figghiu miu
è curuzzu du nostru Diu!
oh di razii vastu mari
si me figghi un l’abbannunari!”
“oh matruzza mia adurata!
siati sempri cunsulata
stu ma cori chinu amuri
s’addumau pi piccaturi!”
ROSARIO AL SACRO CUORE
MISTERO: Cori beddu du Signuri ia vu spiu a tutti l’uri ia vu spiu pu vostru cori datini Firi Spiranza e santu amuri!
GRANO (a posto delle Ave Maria) e una milia voti ludamu u Cori i Gesù
tuttu chinu di virtù
tuttu chinu è d’amuri
e cunverti u piccaturi
U CORI I GESù
tuppuliati tutti i porti
tuppuliati beddu forti
va passannu pi li strati
u cori i Gesù ch’è sacrati!
oh ch’è beddu u Sacru Cori
tuttu chinu è d’amuri!
oh ch’è beddu ch’è sapritu
sia pi sempi viniratu!
EVVIVA PI SEMPRI
evviva pi sempri u cori i Gesù
è beddu è piu è chinu i virtù!
è granni stu Cori c’ amuri ni duna
a nuddu si scorda e a tutti pirduna
cu cimi d’addauru cu sulennità
chiamamulu spissu ca n’accurdirà
chiamamulu spissu ch’è beddu daveru
da sua buntà è ranni u misteru!
fu ‘mpisu a la Cruci pi l’umanitati
mazziati, sfrigiati, e ‘nzinu spugghiati!
e duoppu u carvaniu quannu fu muortu
nu surdatazzu ci fici chiù tortu
‘nzinu u custatu ci fu spurtusatu
‘nzinu a lu cori fu tracassatu!
p’amuri di l’omu tuttu patiu
ch’è granni stu Diu
chi cori chi ha!
Lascia un commento