per il 3 Maggio

Le preghiere recitate durante la festa della Santa Croce sono le medesime utilizzate per il venerdì Santo e in larga parte anche per l’esaltazione della Croce (a settembre). Eccezione va  fatta per la Vasagra (via crucis in dialetto), u chiantu da Addulurata e la preghiera al Cristo morto  che rimangono specifiche del Venerdì Santo e dunque non riporto. Tipica del tre di maggio è invece u Misteru da Santa Cruci che riporto per ultima.

Orazion o signur mpisu na Cruci

Sti piriuzzi su sacrati

Ca a la cruci su nchiuvati

Gesù Cristu ridinturi

Murivi  ncruci pi nostru amuri

E quannu fustivi all’agunia

Signuri aviti pietà, pirdunu e Misericuordia

di sta povera armuzza mia

PATER; AVE; GLORIA

(si sostituisce di volta in volta ai primi due versi una coppia dei seguenti in ordine poi si continua regolarmente)

2)Sti manuzzi su sacrati

Ca a la cruci su nchiuvati

3)Sta tistuzza ch’è sacrata

Ca di spini è ncurunata

4)Sta vuccuzza è sacrata

Ca a fele ed acitu fu abbivirata

5)Stu custatu è sacratu

Cu na lancia fu tracassatu

 

 

 

 

 

 

rosario all’Addolorata (curunedda da Matri Addulurata) 

Mistero: è la rigina di setti dulura.

‘ntesta purtava la Santa Curuna

A lu piettu la Santa Spata

OH MAria l’Addulurata!

Oh matruzza Addulurata priati pi nuatri Gesù.

SUI DIECI GRANI PICCOLI-Guida: L’Addulurata sia sempri ogni ura

Assemblea: Regina Maria di Setti dulura

 Oh Matri Addulurata trafitta tra peni e dulura

Priati a Gesù ppi nuatri Miseri piccatura

 

 

 

 

 

 

 

 

 

Diu vi Salvi À Maria Addulurata( da recitarsi a conclusione del rosario)

Diu  vi salvi oh Regina, oh Matri Addulurata

Vi sia raccumannata stà arma mia,

Na razia  vurria ppi chistu  cor ingratu,

 feritu e tracassatu di la ma spata:

La vita mia passata. Accussì tantu non

 piccari ppi grazia

 

Vui priati a vostru figliu, a nui dati cunsigliu

Lu stissu contributu chiancinni e lacrimannu

Lu ma erruri.

Stù cor chi duluri, spizzatimillu vui, piccari nun vuogliu chiù

Chiuttostu mortu.

A nui dati cunfortu finu all’ultima agonia

Vi priu Matri Mia, nun mi lassati!

Avui sta arma purtati, Bedda Matri Amurusa

In cielu gluriusa eternamenti

E poi devotamenti gridannu sempri

Viva viva l’Addulurata!

L’addulurata sia sempri ogni ura Regina! Maria di setti dulura

Na la manu la Santa curuna, a lu piettu la Santa spata

Oh Maria l’Addulurata!

Oh Matri Addulurata priati Gesù pi nuatri.

A Sarvi Rigina è ditta

‘nciil sarà scritta

A lu nomi di Maria la prisintamu

 

 

 

 

 

 

 

 


 

Curunedda du Crucifissu 

POSTA: Cincu chiai e cincu rosi

Gesù Cristu accussì vosi

Ppi l’amuri di Maria

Pirdunati i ma piccati

E sarvati l’arma mia

SUI DIECI GRANI PICCOLI-Guida: Signuruzzu piatusu pietà

Usatimi a Santa Carità

Assemblea: ppi lu vostru custatu (manuzza, piruzzu)

apiertu di vui patri la razia aspettu

ALLA FINE: Cincu chiai e cincu rosi

Gesù Cristu accussì vosi

Ppi l’amuri di Maria

Pirdunati i ma piccati

E sarvati l’arma mia

Ppi lu nostru gran piccatu

Muriu ‘ncruci fragillatu

L’ammazzai e ncruci u misi

All’ebrei ù detti nmanu

Fui l’orvu ca a lancia tirai

Picchi piccai?

SI RECITA IL CREDO

 

SANTA CRUCIDDA (a circata da Madonna)

(S.G): San Giovanni;(M.): Maria; (G.): Gesù;(A): masciu; (V):voce narrante

 

(V)Santa Cruciddra levati è matina!

La matri Santa si misi ncamminu

Ppi via San Giuvanni ci scuntrav

(S.G)“ chi aviti matri mia ca iti chiancennu?”

(M.)“oh figgi mia, nun hai ragion i chianciri?

Hai persu Diu Nostru Signuri”

(S.G)“in casa di Pilatu aviti a ghiri, ca l’hannu i Giudia ncatinatu”

Tuppi tuppiddu (G.) “cu è drocu?”

(M.) “ sugnu la donna afflitta di to matri”

(G.) “ oh matri mia nun ci pozzu veniri a grapiri mi hannu li giudia ‘ncatinatu!

Va iti nì lu masciu pi li chiova

E ni faciti fari na para pi mia

No tanti ruossi nè tanti  pisanti

Ca ci annu a ghiri li carnuzzi Santi”

(V)Maria sintennu diri sti paroli

Si misi a chianciri e ‘ngusciari

Maria sinni scinniv pa strata longa

E c’era na putiedda ancora aperta.

(M.) “vuatri chi faciti ancora a sta ura”

(A.) “Aspiit unu cu ‘na lancia e cu i chiova”

(M.) “ vuatri c’ata a fari cu sta lancia e cu sti chiova?”

(A.) “haj a ‘nchiuvar u figghiu di Maria!”

Maria sintennu diri sti paroli

Scura lu mari, cu lu cielu e la terra

Si l’acqua di lu mari forra uoggliu

Addumassi na lampa ppi so figgliu!

(M.) “a lampa s’astutav e un c’è uoggliu

Chistu è lu signu ca muriu ma figgliu!”

(V)Cu ci la dici cu divuzioni

Ci dici un Criu a la so Passioni CREDO.

AFFACCIA MARIA!

Rit. Affaccia, Affaccia Maria, to figgliu passa cu na catina ‘ncoddu longa e rossa, na li spadduzzi sua, ci avi na fossa!

 

A cu ci dava na pirata a cu ci dava na tumpuliata, Maria detra la porta ca sintia tutti li scutuliati

-Partiimi Giuvanni vidimi unni am’agliri

– a lu munti Carvariu ami acchianari

RIT

-Nun ci li dati forti li lignati ca su carnuzzi Santi e dilicati

-Vattinni tu oh Maria, vasinnò lassamu a Gesù e pigliamu a tia!

RIT

prima di muriri acqua addummavi

ma ebbi feli ed acitu e trapassau

RIT

 

Li iorna amari da Madonna

Quannu Maria ivi pi i strati

Circannu u figghiu Cristi Ridinturi

Mentri u duluri ci puncia u cori

 Nto pirtusiddu di na sirratura

Vitti lu lusciddu e ntisi martiddiari

Nu furgiareddu era vigghianti adda ura

Nu furgiareddu era viglianti adda ura

Cu mani forti tuppuliavi a dra porta

Cu cori lazzariatu du duluri

Mentri la notti furviciava scuri

Mentri la notti furviciava scuri

Chi fai furgiareddu a chista ura?

Un vidi ca la notti pizzia scuri?

Dimmi pirchi si ancora viglianti a sta ura

Dimmi pirchi si ancora viglianti a sta ura

Stai facebbu i chiova pi la cruci

Pi nvchiuvari lu figgi di Maria

Fazzu u travagghiu e un taliu u scuri

Fazzu u travagghiu e un taliu u scuri

U li faciti rossi e mancu èpisanti

Ca hannu a ghiri ‘nta li carnuzzi santi

C’anu a punciri li vini du ma cori

C’anu a punciri li vini du ma cori

Arrispunniu duri lu furgiari

Rossi e pizzuti li sapemu fari

Vattinni fimminedda a chista ura

Vattinni fimminedda a chista ura

Appena Maria ntisi sti parola

Trimau la terra lu celu e lu mari

Sinni  turnavi turcennusi lu cori

Ncerca di Cristu nostru Ridinturi

Acchianavu la muntata du Carbaniu

Cu spasimu cu affannu e cu duluri

Arriva nta lu munti du massacru

Vitti nchiuvari u figgi ‘nta la cruci

Pua ci lu dettiru muortu supra i mani

Crucifissiatu e tuttu lazzariatu

Li lacrimi chi ittavu parianu sangu

Da Nostra Maria Addulurata.

Lu figghiu prodigu

Oh caru patri, ia minni vogghiu iri, mi vogghiu godiri la mia libirtati;

 oh caru figgi mi vua lassari tè sti dinari e vattinni a scialari.

Oh cari amici stami cuntenti e allegramenti ca rana ci n’è.  Ora accattami picciuna e addini, facimi u fistini ca rana ci n’è. Tra iuochi e fistini vinniri  i sbirri. Lu tavirneru vo essiri paatu. Lu spogghianu nuru e senza pietati, quannu l’amici lu vittiru nuru lu lassaru sul unta chiazza da citati.

 Oh cari amici picchì mi lassiti e m’abbannunati ora ca rana unn’haiu chiù? Iddu mischinu s’assetta n’agnuni  e pensa l’erruri ca fici a so o pà.

Oh sù curatulu mi vogghiu adduari, un piizzi i pani e un pizzuddu d’agnuni.

 Oh su garzuni ti vua adduari? Puorci ha guardari e iannira ha manciari.

Quannu sono a Vurmaria u figgi prodigu è menzu a via, quannu sona n’ura i notti u figgi prodigu è detra a porta. S’attrova so patri affacciatu o barcuni: chissà è ma figghiu ca spunta di dda. Faciti u bagnu di rosi e di vini, faciium u fistinu che è figghiu di re. Torna u figghiu o to patri amatu!

Oh quanti voti ia sospirai pi tia! Quannu m’abbannunasti paci un’ebbi. Lu cori mia sempri chiancia pi tia. 

 

 

 

 

U misteru da Santa Cruci (da recitarsi solo il giorno del tre di Maggio)

(MILLI VOTI GESù) rosario in 20 poste.

MISTERU( rimane uguale nelle poste dispari ): a la valli i Gesufà nichi e ranni ama a iessiri dda e u nimicu ni scuntrirà, iddu mi dissi e ia ci gridai: vattinni demuni e lassami stari ca u iuornu a santa cruci milli voti Gesù chiamai.

AD OGNI POSTA 10 volte Gesù

Misteru (rimane uguale nelle poste pari): cifaru nfernali fatti addavia ti vegnu a malidiciri cà me vuci, lu iornu da santa Cruci milli voti Gesù chiamai

AD OGNI POSTA 10 volte Gesù

LINK INTERNI E CORRELAZIONI

per l’articolo sulla festa : https://castelbuonizzando.wordpress.com/feste/festivita-religiose/maggio/milli-voti-gesu/
 

 

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger cliccano Mi Piace per questo: