a storia di San Giuvanni

 “vi cuntu lu gran cuntu i San Juvannuzzu

ca fu di Gesù  gran cuscinuzzu

vi cuntu di so matri Santa Sabetta

ca sigutau sempri la via retta

 

un jornu  Maria di l’ancili avvisata

pigghiau e si misi pi la strata

era  gravida o summu beni

iri a pedi nun cummeni

pigghia duncu u sciccareddu

e cumicia stu viaggiceddu

ava iri a Sabitta

cuscinuzza sua dilitta

ca aspittava nu carusiddu

anch su timp era tardiliddu

iunta chi fu a la casa cuscina

Lisabetta a senti vicina

e u Carusu dintra lu Ventri

saluta u Missia vinenti.

Cavicia a so Ma

E idda dici cu summa pietà

“ti salutu binitta

di lu Signuri matri dilitta

lu figghiu chi staju aspittannu

tra stu corpu sutta stu pannu

quannu sintiu to fighhiu arrivari

subitu  misi a riminari

Zaccaria so patri ‘nveci

Un parra pi quantu è filici”

Nascetti duncu stu Santu chistianu

E Maria pi prima l’eppe e manu

Vidennulu ‘mbrazza a Maria

Torna a parola a Zaccaria

“L’am chiamari Juvanni

Cussì voli lu Patri Ranni

Eru o Tempio quannu m’u dissi

Un potti parrari chiù pi chissi”

Crisciu u ‘nuccenti  puru puru

E sinniu ‘no desertu  sulu

Avia n’agnidduzzu ‘ncumpagnia

E tuttu ‘nsulitudini vivia.

Passaru l’anni cu summa pietati

Ivi a vattiari i genti da citati

E li vattiava a lu Jurdanu

Ittannu acqua cu la manu

Un jurnu beddu e puri radiususu

Scinniu Jesuzzu tuttu amurusu

Scinniu ‘nta lu sciumu jurdanu

Ma chiddu nun spinciu la manu

Dissi cu tantu amuri ‘nfirvuratu

“Ca c’è lu Figghiu di Diu amatu

C’è l’agnidduzzu du Signuri

Dunca cantamu osanna tutti l’uri

Pintimuni tutti piccaturi

Ca Iddu e ranni e ed è Signuri”

Ma furzatu a voti spissi

Lu vattiau e lu binidissi

Oj chi jornu santu pi  nuatri

Si rapi u celu e parra Diu Patri

Dici “chistu è figghiu miu

E ‘nta Iddu mi compiaciu”

Scinnu du celu na palumma scianca

E a binidizioni Diu ci manna.

Juvanni cuntinua a pridicari

E i so paroli su chini d’amuri

Ma svintura l’attinnia

Ca Sabitta già chiancia

Salome la principissa

Ci chidia a voti spissa

“maritati cu mia

pricipissa sugnu ia”

ma Juvanni ispiratu

arrispunnia tuttu divutu

“no! Ia sugnu di Diu Patri

e pi fimmina aju sul a ma Matri

di to ricchizzu unn’aju chi ni fari

li po ittari ‘menzu lu mari

di la putenza ca mi pigghiassi

Diu sicuru la disprizzassi”

A Salomè un piaci stu parrari

E lesti lesti lu fa arristari

Duncu arristatu Juvannuzzu

Lu cunnannanu ammuzzu

E Salomè vol a tistuzza

Pi sfeggiu a sa Santa Armuzza.

Mori Juvanni ‘nta lu palazzu

Cu un duluri di nesciri pazzu

Mori Juvanni ma i divota

La firi nunn’annu pirduta

Li so ossa cunsiravati

Fuor pua svirugnati

Un chistianu impiraturi

Ca di tintizzi si facia onuri

E di nomi facia Giulianu

Vosi mettici la so manu

E spidiu un granni edittu

Chi lu cori ad ognunu afflittu

‘nta st’edittu

stava scrittu

d’abbrusciari st’ossa Santi

pi fari speddiri la fir di chiù zilanti.

Ma stu luciu ch’addumau

A firi chiù ‘nciammau

E ogni annu pi li citati

Si fannu li quadarati.

Si vogghiunu i favuzzi

Si preanu l’armuzzi

Si tenni a campari

E si strinci u cumpari…

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger cliccano Mi Piace per questo: