u vientu e i canni

na vota na vota, c’era un re c’avia tri figghi. du masculi e na fimminedda. u re  però si facia vecchiu e sintia u scrusciu da campana farisi o capizzu! comi putia fari a spartici i cosi e so figghi? comi avia a fari pi un falli sciarriari? n’amicu sua ch’era baruni e gransignuri ci dissi di fari accussi, di dirici e so figghi ca avissi avutu i fiia chiddu c’avissi attruvatu pi primu u pumupumiddudipumudipò. i tri figghi si misiru a circari munnu munnu stu pumupumiddudipumudipò e l’attruvau cu granni pristizza a fimminedda. nastrumenti ca turnava, eppi a passari u ponti da sciumara e druocu ci scuntravu so frati u granni ca ci dissi “un pozzu truvari u pumupumiddudipumudipò!”. e idda c’arrispunniu ” ‘nca certu l’haiu ia!”
a sti paroli di so suori u frati un ci vitti chiù di l’occhi e l’ammazzavu ittannula no sciumi e addivintavu re.

a sciumara purtavanu a viviri i picureddi e mentri era assittattu nè vancola un picurareddu s’incignau di fari un friscalettu e stuccau na cannuzza giummariuta. u fici beddu e raffinatu e su misi a ucca pi partiri a sunari i canzuneddi da Madonna…ma nisciu na vuci dinna cannuzza

“o pastureddu un mi sunari, ia un sugnu nzoccu ti pari, sugnu riina e sugnu mpurtanti ma m’ammazzau ma frati farfanti!”

u picurareddu misi a trimari! ci vinniru i nzituna du scantu! ma ogni vota ca mittia u friscalettu ‘mmucca chiddu cantava accussì

“o pastureddu un mi sunari, ia un sugnu nzoccu ti pari, sugnu riina e sugnu mpurtanti ma m’ammazzau ma frati farfanti!”

accussì si persuadivi c’ava a iri o castieddu a irirccillu a cuntari o patri. chiddu ci putia cridiri mai? e accussì pigghiavi u friscalettu e si stava mittiennu a sunari ma si ‘ntisi a vuci ca dicia ” o patruzzu beddu un i sunari, ia un sugnu nzoccu ti pari, sugnu to figghia e muriu orallanni fui amazzata i to figghiu u ranni”.

U re un sapiennu nzocchi fari cu stu figghiu u fici ittari du finisciuni appinnina e chissu addivintavi u ventu!

picchissu ancora oj siddi va a sciumara u vientu si sciarria cu i canni e i canni sonanu!
u nicu nveci addivintavi re e fici fari assai sunatura i friscalettu pi falli sunari pi festi…

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger cliccano Mi Piace per questo: