Per il Venerdì Santo

Orazion o signor ‘nta Cruc

Sti piriuzzi su sacrati

Ca a la cruci su ‘nchiuvati

Gesù Cristu ridinturi

Murivi ‘ncruci pi nostru amuri

E quannu fustivi all’agunia

Signuri aviti pietà, pirdunu e Misericuordia

di sta povera armuzza mia

PATER; AVE; GLORIA

 

Sti manuzzi su sacrati

Ca a la cruci su ‘nchiuvati

Gesù Cristu ridinturi

Murivi ‘ncruci pi nostru amuri

Signuri aviti pietà, pirdunu e Misericuordia

di sta povera armuzzza mia

PATER; AVE; GLORIA

 

 

Sta tistuzza ch’è sacrata

Ca di spini è ‘ncurunata

Gesù Cristu ridinturi

Murivi ‘ncruci pi nostru amuri

Signuri aviti pietà, pirdunu e Misericuordia

di sta povera armuzzza mia

PATER; AVE; GLORIA

 

Sta vuccuzza è sacrata

Ca a fele ed acitu fu abbivirata

Gesù Cristu ridinturi

Murivi ‘ncruci pi nostru amuri

Signuri aviti pietà, pirdunu e Misericuordia

di sta povera armuzzza mia

PATER; AVE; GLORIA

 

 

Stu custatu p sacratu

Cu na lancia fu tracassatu

Gesù Cristu ridinturi

Murivi ‘ncruci pi nostru amuri

Signuri aviti pietà, pirdunu e Misericuordia

di sta povera armuzzza mia

PATER; AVE; GLORIA

 

ROSARIO ALL’ADDOLORATA

Mistero: è la rigina di setti dulura.

‘ntesta purtava la Santa Curuna

A lu piettu la Santa Spata

OH MAria l’Addulurata!

Oh matruzza Addulurata priati pi nuatri Gesù.

 

Guida: L’Addulurata sia sempri ogni ura

Assemblea: Regina Maria di Setti dulura

 

Oh Matri Addulurata trafitta tra peni e dulura

Priati a Gesù ppi nuatri Miseri piccatura

 

SANTA CRUCIDDA (a circata da Madonna)

(S.G): San Giovanni;(M.): Maria; (G.): Gesù;(A): masciu

 

Santa Cruciddra levati è matina!

La matri Santa si misi ‘ncamminu

Ppi via San Giuvanni ci scuntrav

(S.G)“ chi aviti matri mia ca iti chiancennu?”

(M.)“oh figgi mia, nun hai ragion i chianciri?

Hai persu Diu Nostru Signuri”

(S.G)“in casa di Pilatu aviti a ghiri, ca l’hannu i Giudia ‘ncatinatu”

Tuppi tuppiddu (G.) “cu è drocu?”

(M.) “ sugnu la donna afflitta di to matri”

(G.) “ oh matri mia nun ci pozzu veniri a grapiri mi hannu li giudia ‘ncatinatu!

Va iti nì lu masciu pi li chiova

E ni faciti fari na para pi mia

No tanti ruossi è tanti  pisanti

Ca ci anna a ghiri li carnuzzi Santi”

Maria sintennu diri sti paroli

Si misi a chianciri e stà ‘ngusciannu

Maria sinni scinniv pa strata longa

E c’era na putiedda ancora aperta.

(M.) “vuatri chi faciti ancora a sta ura”

(A.) “Aspiit unu cu ‘na lancia e cu i chiova”

(M.) “ vuatri c’ata a fari cu sta lancia e cu sti chiova?”

(A.) “haj a ‘nchiuvar u figghiu di Maria!”

Maria sintennu diri sti paroli

Scura lu mari, cu lu cielu e la terra

Si l’acqua di lu mari forra uoggliu

Addumassi na lampa ppi so figgliu!

(M.) “a lampa s’astutav e un c’è uoggliu

Chistu è lu signu ca muriu ma figgliu!”

Cu ci la dici cu divuzioni

Ci dici un Criu a la so Passioni

CREDO.

 

AFFACCIA MARIA!

Rit. Affaccia, Affaccia Maria, to figgliu passa cu na catina ‘ncoddu longa e rossa, na li spadduzzi sua, ci avi na fossa!

A cu ci dava na pirata a cu ci dava na tumpuliata, Maria detra la porta ca sintia tutti li scutuliati

-Partiimi Giuvanni vidimi unni am’agliri

– a lu munti Carvariu ami acchianari

RIT

–         Nun ci li dati forti li lignati ca su carnuzzi Santi e dilicati

–         Vattinni tu oh Maria, vasinnò lassamu a Gesù e pigliamu a tia!

RIT

–         prima di muriri acqua addummavi

–         ma ebbi feli ed acitu e trapassau

RIT

DIU TI SALVI à ADDULURATA

 

Diu ti salvi oh Regina, oh Matri Addulurata

Vi sia raccumannata stà arma mia,

Na razia  vurria ppi chistu  cor ingratu,

 feritu e tracassatu di la ma spata:

La vita mia passata. Accussì tantu non piccari ppi grazia

Vui priati a vostru figliu, a nui dati cunsigliu

Lu stissu contributu chiancinni e lacrimannu

Lu ma erruri.

Stù cor chi duluri, spizzatimillu vui, piccari nun vuogliu chiù

Chiuttostu mortu.

A nui dati cunfortu finu all’ultima agonia

Vi priu Matri Mia, nun mi lassati!

Avui sta arma purtati, Bedda Matri Amurusa

In cielu gluriusa eternamenti

E poi devotamenti gridannu sempri

Viva viva l’Addulurata!

L’addulurata sia sempri ogni ura Regina! Maria di setti dulura

Na la manu la Santa curuna, a lu piettu la Santa spata

Oh Maria l’Addulurata!

Oh Matri Addulurata priati Gesù pi nuatri.

A Sarvi Rigina è ditta

‘nciil sarà scritta

A lu nomi di Maria la prisintamu

 

 

Davanti il simulacro del Cristo Morto

cincu chiaj
cincu spini
cincu rosi
Gesù Cristu acussì vosi

lu misiru a la cruci e lu inchiuvari

e pua lu dettiru a manu all’ebrei

peccai Domine miserere mei

secundum magna misericordiam tuam

Signori o miu Signuri cu è ca ti ‘nchiuvavi?

Sugnu piccaturi e cu li me mani morti ti detti

Peccai Domine miserere mei

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger cliccano Mi Piace per questo: