Diu Vi salvi a Matri u Rusariu e Misteri

Misteri gaudiusi

O GRAN VIRGINI MARIA MI CUNSOLU ASSAI CU TIA

ANCILI E SANTI UNCIUTI CU MIA CANTAMU LU RUSARIU ALLA VIRGINI MARIA!

1). Diu vi manna l’ambasciata e di l’ancilu è purtata,
di lu figghiu di Diu patri già Maria fu fatta Matri.

– O gran Vergini Maria, mi cunsolu assai cu Tia!

2). Vi partistivu a gran fretta a visitari Elisabetta:
San Ciuvanni ‘un era natu e pi Vui santificatu.

– O gran Vergini Maria, mi cunsolu assai cu Tia!

3). ‘Nta ‘ na povera manciatura parturiu la Gran Signora:
a Gesù lu Bammineddu ‘mmenzu a Vui e l’asineddu.

– O gran Vergini Maria, mi cunsolu assai cu Tia!

4). Comu l’autri fimmineddi piccatrici e puvireddi,
a la chiesa vi nni istivu e lu figghiu a Diu offristivu.

– O gran Vergini Maria, mi cunsolu assai cu Tia!

5). Quannu Vui a Gesù pirdistivu lu circastivu e sintistivu
chi spiegava la dottrina cu modestia divina.

– O gran Vergini Maria, mi cunsolu assai cu Tia

 

 

Misteri dulurusi

 O GRAN VIRGINI MARIA LA TO PENA ‘NCORI A MIA

ANCILI E SANTI UNCIUTI CU MIA CANTAMU LU RUSARIU ALLA VIRGINI MARIA!

 

1). Gesù all’ortu si disposi e fa dda la so orazioni,
e pinsannu a lu piccatu sagnu veru Iddu ha sudatu.

– O gran Vergini Maria, la Vostra pena è ‘n cori miu!

2). A Gesuzzu lu pigghiaru l’attaccaru e lu spugghiaru,
li so carni flagellati cu semila vastunati.

– O gran Vergini Maria, la Vostra pena è ‘n cori miu!

3). Re pi burla è curunatu, cu ‘na canna sbriugnatu,
gran duluri ‘n testa prova, foru spini comu chiova.

– O gran Vergini Maria, la Vostra pena è ‘n cori miu!

4). A la vista di la Matri, crucifissu ‘ntra dui latri,
muriu a forza di duluri lu me caru Redentori.

– O gran Vergini Maria, la Vostra pena è ‘n cori miu

 

Misteri gluriusi

O GRAN VIRGINI MARIA , MI RALLEGRU ASSAI CU TIA

ANCILI E SANTI UNCIUTI CU MIA CANTAMU LU RUSARIU ALLA VIRGINI MARIA!

 1). Cristu già risuscitau di la morti triunfau;
comu Re già trionfanti scarciarau li Patri Santi!

– O gran Vergini Maria, mi rallegru assai cu Tia!

2). Doppu li quaranta iorna,Gesù Cristu ‘n celu torna
E Maria cu li so amici, si l’abbrazza e binidici.

– O gran Vergini Maria, mi rallegru assai cu Tia!

3). Deci iorna poi passare e l’apostoli priàru:
Maria Vegini l’ottinni e li Spiritu Santu vinni.

– O gran Vergini Maria, mi rallegru assai cu Tia!

4). Vinni l’ura di partiri Maria n’celu ju a gudiri;
oh che bella sorti fu iri a gòdisi Gesù!

– O gran Vergini Maria, mi rallegru assai cu Tia!

5). Maria n’ celu triunfau quannu corpu e anima entrau;
curunata fu Regina di la Trinità Divina.

– O gran Vergini Maria, mi rallegru assai cu Tia!

 

 

Salve Regina (DIU VI SARVI à MATRI U RUSARIU)
 
DIU VI SARVÒ RIGINA, MARIA DI LU RUSARIU
DI LU DIVINU ORARIU E TRANSITU, SINITITI STA PRIERA
O MATRI NOSTRA AMATA  NUATRI RUSARIANTI A VUI FACEMI
PENTIRI NI VULEMU DI LI NOSTRI PICCATI ,PIRDUNU A DIU PRIATI
E L’OTTENITI. VUI BENI LU SAPITI PI CHDDU RANNI AMURI PI NUATRI PICCATURI GESÙ È ‘NCARNATI.
 NASCIVI NA MILLI STATI; PATIVI PENI E TURMENTI, FU ‘NCRUCI CARAMENTI PURI MURIVI
PUA QUANNU RINVISCIVI MUSTRAU QUANT’È AMURUSI
QUANT’È PUTENTI.
CUSSÌ MATRI CLEMENTI. O VIRGINEDDA PURA,
DI NUI SINU ALL’URTIM’URA  UN VI SCURDATI
GUARDATIMI, GUARDATICI GIÀ CHE MATRI VUI SITI SI VUI NI ‘MPIGNURATI DIU NI PIRDUNA. MARIA ‘MENZU LA CRUNA CHI NI VA RICITANNU, LU DIRI  PROSPETTANNU LU PARADISU
E VUI GESÙ E MARIA PURTATIVILLA ‘NCIELU
ST’ARMA MIA
O MARIA STU BENI ‘NCIURI V’OFFERISCIU, LU MIU AMURI, NUN CHISTU MIRITATI LU MA CORI ARRICIVITI COMU ‘NCIELU DATI A NUI ‘NCIELU NUI LU DAMU A VUOI. LU RUSARIU A VUI FU DATU.
MARIA LA VIRGINEDDA TUTTA PURA E TUTTA BEDDA TUTTI ASSIEMI VI PRIAMU OFFRITICCILLI VUI (OH MARIA)
A GESÙA GESÙ VOGGHIU PI PATRI A MARIA PI NOSTRA MATRI
O CHI BEDDA CUMPAGNIA .SAN ‘NIMINICU  E MARIA,

CHISTI ROSI CI ‘MPETRATI U PIRDUNU DI MA PICCATI E CUNTENTI, CANTI E RISI NI PURTATI ‘MPARADISI.
RUSARIU DI MARIA PRUTIGGITI E SARVATI L’ARMA MIA.DIU VI SALVI MARIA L’ETTERNU PATRI , DIU VI SALVI MARIA L’ETTURNU FIGGHIU, DIU VI SALVI MARIA DILETTA SPUSA LU SPIRITU SANTU  TEMPII E STANTI E GRAZIA LA SANTISSIMA TRINITATI. MORI L’INFERNU TRIUNFA MARIA EVVIVA LA BEDDA MATRI MARIA. UN PATRI NOSTRU  A L’ANCIULU RAPPRISINTANTI (PATER), RAPPRISINTANNI STU SANTU RUSARIU  ALLA VIRGINI MARIA S
CUTTAMENTU DI NOSTRI PICCATI.UN SUFFRAGGIU E UN SULLIEVU A L’ARMUZZI SANTI DU PRIATORIU  UN PATRI AVI E GLORIA!

Responses

  1. Ciao.. Ascolta, mi puoi dare gli accordi x chitarra di questa canzone x favore??

    • ciao selene, non ho alcun accordo. sono rosari cantati seguendo modalità vocali prive di accompagnamento musicale. mi informerò se la vocalità può essere trasformata in accordi


Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger cliccano Mi Piace per questo: