Mi vogghiu maritari

mi vogghiu maritari, m’ha scegghiri la zita…

‘nzamma mi va pi nesciri na zita puddinita!

Diu minni scanzi di sta mala sorti

ca pi diri nenti m’accuntentu di la morti!

a zita puddinita eni tutta sistimata

s’assetta a la matina un ci pò na cannunata…

si metti ori e puri i pinnenti…

ma di survizza un ci futti nenti….

mi vogghiu maritari… n’hai attruvari una prima da Vummaria

a jragisi no pi curtisia!

facitimi u piaciri veramenti…

ia chi va fattu pi darimi tanti???

si sapi comi sunnu i jragisi!

sempri cu i corna i festa sunnu misi!

tantu pua paa u zitu di me figghia

e ia m’arridduccu a squararimi a caniglia

mi vogghiu maritari ca sugnu picciutteddu

ma mai cu na picciotta d’isineddu!!!

su veru massari in virtati

ma un ci scura senza fari viddanati

e pua facissi i corna nzuccarati

niscennu ‘nte cummari pi darici a novitati….

mi vogghiu maritari ch’eni l’ura

ma di cifalutani luntana sia a sciagura

i scarpi ci purtammu pi caritati

e ora su comi i pruci arrinisciuti

picchi a cifalutana è cumannera

ca pari ci lassaru a bannera.

dici pruverbiu anticu e risaputu

ca cu un cumanna finisci curnutu

mi  vogghiu maritari ora all’annu

ma a cuddisanisi è un focu rannu

pinzati ca cu idda fussi sempri caristia

mi vinissi a dui e tri voti la curria

‘nto ‘nviernu a sarda fa liccari

‘nta stati tri piruna sulu pi tastari

mi vogghiu maritari e sistimari ca cammisa..

ma Diu m’alluntanari a Pitralisa!

ca quannu rapu a vucca pi parrari

i cosi ca capisci sunnu rari

“oh tu ca chi jè chi fai?”

nono un mi ci miettu ‘nta si uai!!!!

e siddi  chista cruci veni

divientu comu l’armuzzi ‘mpeni!

mi vogghiu maritari cu nu partitu cu i rana

m’avissi a carricari a ancitana!

ma pua cu ci pò iri avanti

comi u diavulu simina timpesta e scanti

e siim sempri lestu  e allanti

anci è paisi i Santi e brianti

mi vogghiu maritari prima ca piscia a iaddina

e sula allura mi pigghiassi a maurina

caviri i testa tutti i parienti

a cutiddiari un ci mettunu nenti

spiddrennu di cantari sta canzuna mi pari chi minn’arresta una….

mi pigghiu a paisana ch’eni fina, ucchiuzzi d’ancileddu e pittirina…

puri sunn’è massara accummaramu

siddi nunn’avi sordi sparagnamu

abbasta ch’eni casteddabunisa veru

mi sentu ‘mpiraturi supra u seriu!

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger cliccano Mi Piace per questo: