Pubblicato da: cuccoangelo | 4 dicembre 2012

NOVE PARTI IN ONORE DI MARIA IMMACOLATA (6)

NOVE PARTI IN ONORE DELL’IMMACOLATA CONCEZIONE
DA CANTARSI NEI GIORNI DELLA NOVENA

(testo manoscritto)

a

SESTA PARTI (4 Dicembre)

A Gran Virgini Maria \ a so figghiu u criscia
santu e bonu u picciriddu\ criscia forti e bieddu
San Giuseppi travagghiaturi\ ci iucava a tutti l’uri
San Giuseppi travagghiaturi\ ci iucava a tutti l’uri

c’ava fattu un cavadduzzu\ tuttu di lignu nicuzzu nicuzzu
c’avia fattu i strummuliddi\ i palummeddi e i tuppiddi

a Bedda Matri si lu taliava\ sempri a Diu u ringraziava
pi un figghiu assai Divinu\ ringraziava pi Gesù Bambinu
ogni vota ca u curcava\ milli voti lu vasava
ogni vota ca u curcava\ milli voti lu vasava

i rubiceddi ci li stinnia\ menzu li gigghi e li rosi Maria
e u panuzzu ci u facia\ cu megghiu ranu di la campia

Quannu Gesu era a putia\ ci pinsava sempri Maria
e cu ducissima primura\ ci purtava ristoru all’ura
e com’era duci daveru\ fattu da Signura di lu celu
e com’era duci daveru\ fattu da Signura di lu cielu

e alligramenti Giuseppi e Maria\vittiru crisciri u figghiu di Dia
E ognunu chi li scuntrava\ u curuzzu ci canciava
e ognunu chi li scuntrava\ u curuzzu ci canciava

e pi cunchiudiri sta orazioni diciimuci u Sarvi Rigina cu divuzioni

Diu vi sali o Maria, o matri i Gesuzzu
vi sia raccumannatu stu curuzzu
na razia ia vurria,a spiu a Vui Maria
gluriusa Matri pia un mi lassati

l’affanni cunsulati, livati i piccati
scanzatini Maria ad ogni ura
d’ogni sorti di mala vintura
e all’ura da morti

vinitini o scontru e rapitini i porti
e sunnu i porti du paradisu
cu chiù gioia e bon visu
Gesuzzu vidrò

Gesuzzu Giuseppi e Maria viniti a casa mia
siddi nuddi vi vo alluiari no ma cori putiti ristari!

u sarvi rigina è dittu, ‘ncelu sia scrittu o nomi di Maria u prisintamu.


Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Categorie

%d blogger cliccano Mi Piace per questo: