Pubblicato da: cuccoangelo | 29 novembre 2012

PARTI DI MARIA MMACULATA

NOVE PARTI IN ONORE DELL’IMMACOLATA CONCEZIONE
DA CANTARSI NEI GIORNI DELLA NOVENA

(testo manoscritto con parte mancante indicata dal punto interrogativo)


NTONU
(da cantare il primo giorno, negli altri a discrezione propria)

o cristianu ca passi pa via, vota u cori pensa a Maria, siddi tuppia dintra u pettu ascuta stu cantu d’amuri e d’affettu, siddi cu veru cori i vo ascutari i parti a Madonna pigghiamu a cantari! e picchi Diu l’avi criata viva viva Maria Mmaculata!

PRIMA PARTI (29 NOVEMBRE)

nta nu tempu assai luntanu\ quannu nuddu era chianu chianu\ U Signuri cu assai affettu\ fici u munnu tuttu pirfettu.
fici u suli e fici i stiddi\ armali, pisci e aciddi
fici u suli e fici i stiddi\ armali, pisci e aciddi

fici u lusciu e fici u mari\ fici u viviri e fici u manciari
fici l’erva pi l’armali e li ciarameddi pi fanni sunari\

ma sapinnu in viritati\ quantu pisa u nostru piccati
pi sarvarini daveru\ metti manu a nu misteru
e livannuci u piccatu\ a Maria havi criatu
e livannuci u piccatu \ a Maria havi criatu

e quant’è bedda com’è sapurita\ adduma u focu di la vita
o comi è bedda com’è cunsacrata \ è a Rigina Mmaculata

U Bambineddu ‘ncielu sidia \ vinti stiddi mmanu tinia
e vullennuci iucari\ uottu a dicimmiri ni vosi ittari
e cui dudici c’arristari\ a so mammuzza vosi incurunari
e cui dudici c’arristari\ a so mammuzza vosi incurunari

dudici stiddi Maria è incurunata Viva a Rigina Mmaculata!
sutta u peri tiniti a luna siti patruna di chista città
sutta u peri tiniti a luna siti patruna di chista città

e pi cunchiudiri sta orazioni diciimuci u Sarvi Rigina cu divuzioni

Diu vi sali o Maria, o matri mmaculata
vi sia raccumannata st’arma mia
na razia ia vurria,a spiu a Vui Maria
gluriusa Matri pia un mi lassati

l’affanni cunsulati, livati i piccati
scanzatini o Mmaculata ad ogni ura
d’ogni sorti di mala vintura
e all’ura da morti

vinitini o scontru e rapitini i porti
e sunnu i porti du paradisu
cu chiù gioia e bon visu
Gesuzzu vidrò

Maria vui siti a rosa e sti u gigghiu
datini aiutu spiranza e cunsigghiu
(?)
u sarvi rigina è dittu, ‘ncelu sia scrittu o nomi di Maria u prisintamu.

e picchi Diu l’avi criata viva viva Maria Mmaculata! senza piccatu l’avi criata VIVA VIVA MARIA MMACULATA! e u piettu ncori sata VIVA VIVA MARIA MMACULATA


Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Categorie

%d blogger cliccano Mi Piace per questo: