Pubblicato da: cuccoangelo | 24 dicembre 2010

NONU JORNU

Misa già in orazioni
la gran Virgini Maria
cu na gran divozioni
a Gesù pinsannu jia,
e pinsava ca a lu friddu
nascirà Diu picciriddu.
Comu mai dici chiancennu
lu gran Diu di majstati
di lu Re lu Re tremennu
ntrà lu friddu nascirà?
Lu Signuri di lu celu
comu nasci ntrà lu gelu?
O, miu Diu di gran ricchizza,
comi nasci puvireddu?
Sarà veru, o mia biddizza,
ca ti viu ngridduteddu
Ca di friddu trema e mori
nun mi basta, no lu cori.
Si di nasciri cunveni
pirchì unnasci ntrà palazzi?
Pirchi tu nun ti nni veni
cu gran pompi, cu granni sfarzi?
Lu to granni summu amuri
ti fa nasciri in duluri.
Via chi tardi, o figliu miu,
figghiu duci, figghiu d’oru
quannu nasci e quannu o Diu
renni saziu stu cori?
Figliu beddu e duci assai
quannu, oh quannu, nascirai?
Quannu  Quannu nascirai?
Quannu st’ura vinirà?
Quannu tu cunsulirai
l’infilici umanità?
Quannu, o beni miu dilettu,
t’haiu a stringiri a lu pettu?
Ntrà st’affetti e ntrà st’amuri
la gran Vergini biata
tutta focu e tutta arduri
fu già  in estasi elevata
e gudennu lu so’ Diu
a Gesuzzu si vidiu.

Natu già lu gran Missia
misi a chianciri e ngusciari
e la Virgini Maria
misi ancora a lacrimari.
Lu pigliau cu summu affettu
e lu strinciu a lu so’ pettu.
San Giuseppi si risbigghia
già di l’estasi profunna,
e cu duci maravigghia,
si stupisci e si cunfunni.
Curri prestu spavintatu
e a Gesuzzu vitti natu.
Oh! Pinsati ch’è cuntenti
Chi grannissima alligrizza!
Si scurdau di lu so stentu
pri la summa cuntintizza,
e cu tantu so piaciri
accussì si misi a diri:
Chi furtuna fu la mia!
Oh chi onuri e chi disiu
D’adurari cu Maria
a stu locu lu miu Diu!
Matri santa e mia signura
ia vi fazzu la bonura.
O chi figliu aviti mpettu
Oh chi bedda criatura!
Quanto è beddu, ch’è dilettu!
La sua faccia m’innamura!
Chi su amabili sti giglia!
a la Matri c’assumigghia
o chi ucchiuzzi Diu c’aviti
chi linguzza ncarnatedda!
Veramenti beddu siti
La pirsuna tutta è bedda!
Tu si beddu, figliu miu;
ma cchiu beddu ca si Diu!


Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Categorie

%d blogger cliccano Mi Piace per questo: