Pubblicato da: cuccoangelo | 23 dicembre 2010

OTTAVU JORNU

Poi chi già purificau
San Giuseppi chiddu locu
cu l’ingegni ca purtau
jetta luci adduma focu.
E poi dici: Arricriativi,
spusa mia cuariativi.
S’assittaru tutti dui
‘nterra e ncostu di lu focu
e un putennu stari cchiuni,
si cibaru quarchi pocu.
Ma cu granni divuzioni
fa la sua culazioni.
Pri ubbidiri a lu so’ spusu
Maria santa si cibau
c’autru cibu cchiui gustusu
ca a si stissa priparau,
e pinsannu sempre sta
a lu partu chi farà.
Già finuti di manciari
a Diu grazii rinneru
e in ducissimu parrari
tutti dui si trattineru
Discurrennu un pocu p’ unu
di l’amuri di Diu omu.
Oh Pinsati chi paroli
tinnirissimi dicianu
si inciammavunu lu cori
quantu cchiu nni discurrìanu,
ammirannu cu firvuri
di Gesù lu summu amuri.
Canuscennu pi Maria
junta già l’ura filici
chi Diu nasciri duvìa
a lu spusu acussì dici:
Troppu è notti, ritirativi
va durmiti e ripusativi
San Giuseppi a la Signura
chi durmissi ci prigau
ci addubbau la manciatura
cu li robbi ca purtau.
Si ritira poi a na gnuni
di ddu poviru gruttuni.
Ma Giuseppi nun durmiu
ma cu granni divuzioni
nginucchiuni umili e piu
misi a fari orazioni,
e in estasi elivatu
a Gesù pua vitti natu.
Mancu dormi, no, Maria
ma di Diu chiamata allura
nfirvurata pronta e pia,
s’addinocchia, l’arma e adura.
O granni spusi furtunati
pri mia misiru priati


Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Categorie

%d blogger cliccano Mi Piace per questo: