Pubblicato da: cuccoangelo | 20 dicembre 2010

QUINTU IORNU

Quintu jornu
 Siguitavana lu viaggiu
San Giuseppi cu Maria
suppurtannu ogni disagiu
ogni affannu e travirsia.
E tu ingratu e scunuscenti
si patisci ti lamenti.
Cincu jorna di caminu
far insemi bisugnaru
caminannu di continuu
senza aviri nuddu imparu.
Stanculiddi ed affannati
puvireddi e disprizzati.
Pensa tu lu vicchiareddu
quantu lassu e stancu sia
caminannu puvireddu
sempri a pedi pri la via.
La spusa riguardava
affannatu suspirava.
Chi viaggiu dulurusu
ca fu chistu pri Maria
Ntrà l'nvernu rigurusu
ntrà lu friddu a la stranìa
la Signura di lu Celu
ntrà muntagni jazzu e jelu
Binchì l'Angili assistianu
rispittusi li guardavanu
li timpesti ca facianu
troppu assai li turmintavanu.
Viaggiava mudistedda,
agghiazzata, ngriddutedda.
cussì stanchi ed affannati 
ntra lu friddu caminavanu
nun avennusi mai pusati
pirchi tutti i disprizzavanu
puvireddi li vidianu
pocu cuntu ni facianu
Su custritti a ripusari
di li staddi ntrà l'agnùni,
e ntrà funnachi allujiari
sti cilesti e gran pirsuni
Oh ch'eccessu d'umiltà
Chi nun chianci pri pietà?!
Senza chiantu cu po' stari.
riflettennu, chi Maria
è custritta ad abitari
di armali ncumpagnìa.
Quantu affruntu Maria senti
misa in menzu a tanta genti!
Però quantu vosi Diu
cu pacenza suppurtaru
ogni pena e affannu riu
cu alligrizza tulliraru
suppurtannu stu disaggiu
finiu in tuttu lu viaggiu!

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Categorie

%d blogger cliccano Mi Piace per questo: