Pubblicato da: cuccoangelo | 26 ottobre 2010

I CINCU IORNA DA MATRI A RACINA

PRIMU JORNU
a bedda Matri era ‘nto jardinu, cugliennu rosi e pampini ridia, la staiuni ava sciurutu arria, sciuruti eranu rosi e gersuminu. stava pressu a priula a priari, li razziundeddi idda si dicia, comu devota era a Matri Maria! e n’anciulu si vitti spuntari!
a luci sfarfaddiava priziusa, in principiu s’ammaciliavanu l’occhi a taliari ma duoppu ricanuscetti nu corpu cu l’ali, e si scantau st’arma graziusa!
dissi l’ancilu Santu di lu Paradisu: “un ti scantari ca sugnu i Diu e Rabrieli è u nomi miu”
sintennu sti paroli a Maria s’allarga u visu.
“ti portu na nova e n’ammasceria, ha statu scelta da ternità pessiri figghia matri e spusa di la trinità, dunca ti salutu Avu Maria!
no d’omu to figghiu sarà, nuddu t’ha tuccatu e ti tucchirà, nascirà su figghiu lassanuti a santa virginità”
quannu maria sintiu sti parori, vidennu ca di Diu l’ancilu era mannatu e d’oro e luci tuttu ‘ncurunatu, un ci abbastau u cori.
dissi sulu cu summa pietati, cu la vuci ca bummaria duoppu sa sorta d’ammasciria, “sia fatta a Divina Vuluntati!”.
‘nta stu juornu santu amu a essiri priati , pi la santa nunziata a Maria nostra avvucata, che maria s’ha fattu matri!
e dicemulu cu vittoria sia sempri eterna gloria o Patri onniputenti, o Figghiu Sapienti e o Spiritu i Buntà pi l’eterna eternità.
(si recita un Ave, un Pater e un gloria)
10 volte (con i grani del rosario) bedda Matri a racina a to festa s’avvicina mai scurdatu sia lu gran nomi di Maria. è maria nostra avvucata sia l’arma cunsulata. ‘nta la nostra nicissità aiutatini pi carità

a cinchina è ditta ‘ncelu sarà scritta a Maria la sintemu prisintari ca di grazii è vastu Mari. nu paternostru pi l’ancilu rapprisintanti e un recamaterna pi l’animi du priatori ca sunnu tanti!


Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Categorie

%d blogger cliccano Mi Piace per questo: