Pubblicato da: cuccoangelo | 31 marzo 2010

LA MATINA DU JOVU SSANTU

l’arva du juovu st’ava agghiurnannu
scinniu a la casa di Maria n’ancilu rannu
a Gran Signura era già viglianti
stava  mittennu pezzi nte vacanti

c’ava purtatu Jesu tri cammisi
sciati di quantu si l’ava misi
pizzuddi novi e boni ci mittia
quant’era bedda metri li cusia

L’ancilu Gabrieli la chiamavi
e a Madunnuzza lestu arrisatavi
Ci dissi “o Maria chi va facinni?”
“i robbi pi ma figghiu stai cusinni”

“iettali arrasu un li custunari
chiù un si potrà iddu nzaiari”
a Matri Santa a stu parrari
capisci ca na spata avi arrivari!

“chi fu Rabrieli tu mi l’havi a diri!”
“to figghiu è purtatu o muriri!”
“ma quannu u pigghiaru? chi mi dici?”
“ancora unn’è tuccatu è cu l’amici!”

” oh cori ca ‘nto pettu sta satannu
comi pò essiri ca u vannu ammazzannu?”
“Maria, arricampa i pezzi e vacci scontru”
“sarà l’urtima vota ca u ncontru?”

“Li promissi di Diu sunnu eterni
scafazzira cifiri e tinti ‘nferni!”
“ma ‘ntantu angilu Santu du Signuri
u ma cori si rumpi du duluri”

saputa sta nova a Gran Signura
ittavu i pezzi da custura
niscennu pi a strata iava vucianni
“curriti Maddalena! curri Giuvanni!”

Maria misi a tuppuliari a tutti i porti
e siddi un la sintieru tuppuliavi chiù forti
di na stratuzza ca porta a campia
vitti spuntari Maddalena ca s’arriducia

“oh Maddalena di partiri aviimi
a Gersalemmi iri duviimi!”
“chi fu o matri bedda e gran Signura?”
“di Cristu sta sunannu l’urtima ura!”

la matina du venniri arrivari a la citati
si misiru a circari e strati strati
pi via vittiru veniri un surdatu
“neca ha vistu u figghiu miu aduratu?”

“vatinni fimmina finu chi hai vita
pirdutu è u capu di la sita!”
“o cori e supracori assai angustiatu!”
“tòfigghiu è a casa di Pilatu!”


Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Categorie

%d blogger cliccano Mi Piace per questo: