c’era un parrinu c’avia setti dinari e sinni iava o trappitu pi accattari l’ogghiu. pi strata ci scuntravu na fimminedda e ci dissi ” patri parrinu patri parrinu! sugnu dispirata ca unn’aju nenti…mi dati setti dinari p’accattarimi u pani?” ” no! m’accattari l’ogghiu pi cunsarimi a ‘nsalata!”. chiù avanti ci scuntravu na vicchiaredda “patri parrinu patri parrinu mi li dati setti dinari pi cusimi na quasittedda?” “no! m’accattari l’ogghiu pi cunsarimi a ‘nsalata!” vicinu u canali i santu vitu ci scuntravu un munacheddu i cerca ” patri parrinu patri parrinu mi duna i dinari pu cunventu?” ” no! m’accattari l’ogghiu pi cunsarimi a ‘nsalata!”. ivi pi scinniri a badia e scontra un minicnti tuttu ‘nchiaiatu e tuttu chinu di dulura ” patri parrinu patri parrinu! mi dati du sordi pi iriminni a midicari?” ” no! m’accattari l’ogghiu pi cunsarimi a ‘nsalata!”. pua vinni a vota ca scuntravu satanassu ” patri parrinu mi dassi setti dinari ca vasinnò ci tiru u coddu lestu lestu” e u parrinu rapivi a sacchina e ci ni detti ottu!
all’agnuni doppu ci spuntavi nostru Signuri e ci dissi ” Patri Parrinu! accussì si fa? e figghi mia un ci duni nenti e a satanassu du supecchiu?”
accussì ‘mparavu puru u Signuri ca i parrina su fatti pi trattari i sordi e ni nesciunu sulu pi sarvarisi u coddu!
