quannu u Sarvaturi era nicareddu a so Matri Maria a facia stupiri! “figghiu mia ma chi sta facennu?” ” fazzu du palummeddi pi iucari!” ” tecà stu pani e falli a cuddureddi ca accussi di chiddi veri ci pigghianu rassumigghiu”. Gesuzzu si misi a ‘mpastari, ci fa a uzzaredda, a tistuzza, l’ali u vicuzzu e l’ucchiuzzu apertu e ci la fa vidiri a so matri ” oh chi bedda palummedda ca facisti Gesù! mettiti drocu e ioca tanticchia ca ia haiu a fari sta ‘nfurnata” ma mentri Maria si vota pi pigghiari u criscenti Gesuzzu cu un signali i cruci avviva a palummedda e a fa vulari!
